Bizkaimoveren trafiko-mapa Google Maps-en txertatuta dago, eta horri esker, xehetasun handiagoa lor daiteke trafikoaren egoeretan erakusten den informazioan, baita lanak eta gorabeherak kokatzeko zehaztasunean ere. Horrela, Bizkaimovek hainbat zerbitzu baliagarri eskaintzen ditu erabiltzaileentzat:

• Lurralde historikoko ibilbide nagusien egoerarekin denbora errealean eguneratutako mapa bat.
• Bizkaian egiten ari diren lanak eta trafikoan izan daitezkeen gorabeherak.
• Sortzen diren auto-ilarak eta ohiko bidaia-denboren igoerak.
• Neguan, mendateetako batzuen egoerari buruzko informazioa emango da.
• Bilboko sarbideen eta gure errepideetako beste leku batzuen egoerari buruzko informazioa.
• Bide nagusietan trafikoak duen egoera erakusten duten kamerak.
• Erabiltzaileak sareko puntu sentsorizatuen artean definitutako ibilbideetarako bidaia-denboren kontsulta.
• Mapako gune bat erabiltzaileak lehenetsitako bistaratu gisa edo gogoko gisa gogoratzeko aukera.